Mimamos cada detalle como se fose unha xoia.

Comezamos cunha limpeza suave da pel, seguimos cunha exfoliación e hidratación que devolven o confort ás mans e aos pés, e rematamos cunha masaxe que convida a esquecer o mundo por uns minutos.

Dentro dos nosos coidados atoparás opcións pensadas para cada momento: spa de mans e pés, esmaltado de unllas, extensión de unllas e manicura infantil, para que tamén @s máis peques poidan vivir o seu propio ritual de beleza.

E, se o que precisas é unha sensación máis profunda de descanso, a reflexoloxía podal convértese nunha pausa para liberar tensións, activar o benestar e volver pisar o mundo con máis lixeireza.

Hai días nos que o corpo pide unha pausa.

Para eses momentos, en Vai de Unllas atoparás masaxes pensadas para aliviar tensións, suavizar o cansazo e devolverlle ao corpo esa sensación de lixeireza que nace do verdadeiro benestar.

Podes escoller entre masaxes faciais, ideadas para relaxar as faccións e revitalizar a pel; masaxes relaxantes, perfectas para desconectar do ritmo diario; ou masaxes enerxéticas, pensadas para recuperar equilibrio, vitalidade e unha sensación renovada de harmonía.

Cada experiencia acompáñase de técnicas coidadas, aromas delicados e aceites esenciais que acarician a pel con serenidade. Todo sucede nun espazo que invita a deter o tempo, respirar fondo e volver ao día a día cun brillo novo, por dentro e por fóra.

A mirada ten algo especial.

Fala sen palabras, transmite emocións e reflicte a nosa esencia en cada xesto. Por iso, en Vai de Unllas dedicámoslle un espazo propio, pensado para realzar a súa beleza natural sen perder a súa autenticidade.

Os nosos tratamentos de lifting de pestanas e laminado de cellas están deseñados para destacar a expresión do rostro, achegando definición, harmonía e luminosidade. Pequenos detalles que marcan a diferenza e que permiten potenciar a túa mirada dun xeito elegante e natural.

Porque ás veces non fai falta cambiar nada, só resaltar aquilo que xa te fai única.

Cada trazo conta unha historia.

Buscamos resultados elegantes, naturais e duradeiros, respectando sempre as faccións e a expresividade de quen a leva. A micropigmentación permítenos realzar a beleza de forma sutil, corrixir pequenas asimetrías e achegar definición a aqueles trazos que fan única a cada persoa.

Ofrecemos tratamentos de micropigmentación de beizos, cellas, liña do ollo e entre pestanas, así como solucións de micropigmentación capilar orientadas a mellorar a imaxe e recuperar a sensación de confianza. Cada procedemento realízase de maneira personalizada, adaptándose ás características e necesidades de cada cliente.

Porque a verdadeira beleza non consiste en transformar, senón en destacar aquilo que xa forma parte de ti.

A pel do rostro acompáñanos cada día.

Reflicte como nos sentimos e merece un coidado á altura de todo o que nos ofrece. En Vai de Unllas creamos tratamentos faciais pensados para limpar, revitalizar e devolverlle á pel o seu equilibrio natural.

Desde a hixiene facial ata tratamentos faciais personalizados, cada sesión adáptase ás necesidades específicas de cada persoa, combinando técnicas profesionais e produtos seleccionados para potenciar a luminosidade, a frescura e o benestar da pel.

Para quen busca unha experiencia máis completa, o Ritual Kobido; coñecido como «o antigo camiño da beleza», é un ritual facial xaponés que combina a masaxe do tecido profundo coa drenaxe linfática e a acupresión.

Ás veces o corpo fala antes ca mente.

O cansazo, a tensión ou o ritmo diario deixan pegadas que merecen un momento de atención e coidado. Por iso, en Vai de Unllas ofrecemos tratamentos corporais pensados para renovar a sensación de benestar e recuperar a harmonía.

A través de servizos como a hixiene corporal, a exfoliación e hidratación corporal, a drenaxe linfática ou os tratamentos para pernas cansas, axudamos a mellorar a sensación de lixeireza, favorecer a circulación e devolverlle á pel toda a suavidade e o confort que necesita.

Pequenos rituais que transforman o coidado do corpo nunha experiencia de relaxación, equilibrio e benestar duradeiro.

A natureza sempre foi unha aliada para recuperar o equilibrio do corpo.

En Vai de Unllas trasladamos esa idea aos nosos tratamentos de madeiroterapia e metaloterapia.

A madeiroterapia emprega instrumentos de madeira para estimular a circulación, activar o sistema linfático e axudar a tonificar zonas como pernas, glúteos ou abdome.

A metaloterapia incorpora ferramentas metálicas que permiten traballar o corpo con precisión, favorecendo o drenaxe, a firmeza e a sensación de lixeireza.

Dúas técnicas que se complementan para converter cada sesión nun ritual de coidado, benestar e renovación corporal.

Ritual de coidado e precisión.

Aplicamos diferentes técnicas —fío, pinza, láser, cera quente ou fría— escollendo sempre a máis axeitada para a túa pel e as túas necesidades.

O obxectivo é ofrecer resultados duradeiros sen renunciar á suavidade nin ao respecto polas peles máis sensibles.

Con esmero e calma, eliminamos o superfluo para que a túa pel brille coma a verdadeira protagonista, sen temor nin presa, só con confianza e benestar.

Dise que a arte vai máis ala do ornamento.

Dise que a arte vai máis alá do ornamento: tatuaxes que murmuran lembranzas e piercings que engaden luz alí onde a personalidade quere falar.

Cada creación, sexa unha peza de tinta ou un pequeno punto de metal, convértese nunha xoia única, feita á medida de quen a leva e co mimo que sempre nos guía.

Acompañámoste a selar momentos, identidades ou simplemente ese desexo íntimo de levar beleza na pel… dun modo tan auténtico coma ti.